کابل (پژواک، ۲۷ تله ۱۴۰۵): د افغانستان، بنګلهدېش او زمبابوې کرکټ ملي لوبډلو ترمنځ د یو ورځنیو نړۍوالو درېاړخیزه سیالیو په لړ کې نن افغان لوبډله له زمبابوې سره خپله لومړۍ لوبه ترسره کوي.
کرکټ بورډ ویلي چې افغان لوبډله به نن د افغانستان پر وخت مازدیګر څلور بجې د درېاړخیزې لوبلړۍ په خپله لومړۍ لوبه کې د زمبابوې پر وړاندې د سیالۍ ډګر ته کښته شي.
د افغانستان او زمبابوې ترمنځ لوبه د ابوظبۍ په زاید کرکټ لوبغالي کې ترسره کېږي.
د افغانستان، بنګلهدېش او زمبابوې کرکټ ملي لوبډلو ترمنځ د یو ورځنیو نړۍوالو سیالیو درې اړخیزه لوبلړۍ په متحده عربي امارتو کې د افغانستان په کوربهتوب ترسره کېږي.
د یادونې ده، د دې لوبلړۍ په لومړۍ لوبه کې زمبابوې لوبډلې بنګلهدېش ته ماته ورکړې.
