کابل (پژواک، ۲۳ میزان ۱۴۰۵): دفتر هماهنگ‌کنندۀ کمک‌های بشردوستانۀ سازمان ملل متحد (اوچا) می‌گوید که سویدن ۱.۲ میلیون دالر به صندوق کمک‌های بشردوستانۀ افغانستان کمک کرده‌است.
اوچا امروز (پنج‌شنبه) با نشر پیامی در صفحۀ ایکس نوشته که این مقدار پول معادل ۱۰ میلیون کرون سویدنی می‌شود.
اوچا از این کمک سویدن قدردانی کرده و گفته‌است که همبسته‌گی دوامدار این کشور، تلاش‌های مشترک برای رسیده‌گی به نیازهای بشردوستانه در افغانستان را تقویت می‌کند.
این نهاد بر ادامۀ همکاری‌ها برای رسیده‌گی به نیازمندان در افغانستان تأکید کرده‌است.
