بروکسل (پژواک، ۸ چنګاښ ۹۶): برېتانیا په افغانستان کې د ناټو د روزنې ماموریت ته د سلو نورو سرتېرو د لېږلو اعلان وکړ.
دغه اعلان د برېتانیا د دفاع وزیر مایکل فالون (Michael Fallon) د چنګاښ په ۸ مه د بلجیم په پلازمېنه بروکسل کې د ناټو د دفاع وزیرانو د غونډې تر پیلېدو مخکې خبریالانو ته وکړې.
هغه زیاته کړه چې هېواد یې افغانستان سره په ملکي او نظامي برخو کې خپلو همکاریو ژمن ته دی او ادامه به ورکوي.
د نوموړي په وینا، افغانستان ته ۱۰۰ نور نوي لېږل کېدونکي سرتېري به د ناټو په غیر جنګي ماموریت کې د افغان ځواکونو په روزنه کې برخه اخلي.
د برېتانیا د دفاع وزیر د افغان ځواکونو د وړتیاوو ستاینه وکړه او ویې ویل، له کله راهیسې چې دوی د امنیتي چارو مسوولیتونه اخیستي ، د پام وړ لاسته راوړنې لري.
د یادونې ده، برېتانیا اوسمهال په افغانستان کې ۵۰۰ سرتیري لري، چې د ناټو دروزنې په ماموریت کې فعالیت کوي.
ټاکل شوې ده د ناټو ددفاع وزیران نن پخپله غونډه کې افغانستان ته د دغه سازمان لخوا د نورو سرتیرو شمیره هم اعلان کړي.
زهير
login or register a new account.
