هرات (پژواک، ١٢ زمرى ٩٦): د ا فغانستان د رباتيک نجونو د يوې غړې فاطمې پلار د هرات ښار په جومات کې د ځانمرګي بريد په قربانيانو کې شامل دى.
دغه بريد چې وړمه شپه ماخوستن مهال د هرات ښار د جواديه پر جومات وشو، په ترڅ کې يې ٣٣ ملکي وګړي ووژل شول او تر ٦٠ زيات ټپيان شوي وو.
د افغانستان د رباتيک نجونو يوې غړې رودابه د زمري په ١٢مه پژواک خبري اژانس ته وويل چې د يادې پېښې په قربانيانو کې د دوى د يوې بلې غړې فاطمې پلار هم شامل دى.
هغې زياته کړې چې د فاطمې پلار کومه دنده نه لرله او نه يې هم له چا سره شخصي ستونزه درلوده، يو بې طرفه شخص و.
فاطمې هم ويلي چې پلار يې د دې او د ټولو نجونو ډېر ملاتړ کاوو او ډېر خوشحاله و چې دوى په امريکا کې مډال ګټلى و.
د افغانستان د رباتيک نجونو ډلې څو ورځې مخکې د امريکا په نړيوالو سياليو کې برخه اخيستې وه او د سپينو زرو مډال يې اخیستی و.
login or register a new account.
