کابل (پژواک، ٢٤ سلواغه ٩٦): د پاکستان د پوځ مشر په يوه ګډه امنيتي غونډه کې د ګډون لپاره کابل ته رسېدلى دى.
يوې باوري دولتي سرچينې د سلواغې په ٢٤مه پژواک خبري اژانس ته وويل چې د پاکستان د پوځ مشر جنرال قمر جاوېد باجوه له يوه پوځي پلاوي سره نن سهار وخته کابل ته راغلى دى.
سرچينې زياته کړې چې هغه به د افغانستان، پاکستان، امريکا او ناټو د پوځي مشرانو په ګډه امنيتي غونډه ګډون وکړي.
د سرچينې د معلوماتو له مخې، په دې غونډه کې به د افغانستان لوى درستيز جنرال يفتلي، په افغانستان کې د ناټو قوماندان جنرا نيکولسن، د پاکستان د پوځ مشر جنرال باجوه او د امريکا د مرکزي قوماندانۍ قوماندان جنرال جوزف ووټل ګډون کوي.
په دې اړه به نور معلومات وروسته خپاره شي.
login or register a new account.
