کابل (پژواک، ٢٢ مرغومى ٩٧) : ايران وايي چې له افغان حکومت سره د تړون له مخې يې ٢٤٢ افغان بنديان کابل ته سپارلي دي.
د ايران د عدليې وزارت وياند د مرغومي په ٢٢مه، ايراني رسنيو ته ويلي چې دوه مياشتې مخکې يې له افغانستان سره د بنديانو د تبادلې تړون لاسليک کړى و.
سرچينې زياته کړې، د روان لمريز کال تر پايه پورې به ټول ٧٠٠ افغان بنديان د افغانستان حکومت ته وسپارل شي.
د عدليې وزارت ويلي، چې تېره اوونۍ يې ٢٠١ بنديان او نن يې ٢٤٢ نور افغان بنديان کابل ته سپارلي او دا لړۍ به ادامه ولري.
د ايران حکومت زياته کړې، دغه افغانان د نشه يي توکو د قاچاق او دغه هېواد ته نا په قانونه توګه د ننوتلو په تور نيول شوي وو.
سرچينې زياته کړې، ايراني محکمو دغو کسانو ته د بند سزا ورکړې وه او خپله پاتې موده به دافغانستان په زندانونو کې تېره کړي.
د يادونې ده، چې د ايران په زندانونو کې زرګونه افغانان په بېلا بېلو تورنو بنديان دي .
login or register a new account.
