کابل (پژواک، ١٦ کب ٩٧): د کابل په لوېدیځ کې د وحدت اسلامي ګوند د مشر عبدالعلي مزاري د یادغونډې مراسمو ته څېرمه له څو پرله پسې چاودنو وروسته یاد مراسم پای ته ورسېدل.
د کورنیو چارو وزارت سرپرست ویاند نصرت رحیمي پژواک خبري اژانس ته وویل، نن شاوخوا ۱۲ بجې له یادو مراسمو لرې څو پرله پسې چاودنې ترسره شوې دي.
هغه وویل، د یادې پېښې جزيیات به وروسته له رسنیو سره شریک کړي.
دغه مراسم د پخواني ولسمشر حامد کرزي، اجرایيه رییس ډاکتر عبدالله عبدالله او ځينې نورو چارواکو په ګډون د مزاري یاد غونډه جوړه شوې وه.
له چاودنو وروسته د سولې او اعتدال ټاکنيز ټکټ مرستیال محمد محقق په خپلو خبرو غونډه پای ته ورسوله.
login or register a new account.
