فيض اباد(پژواک، ٣ وږى ٩٩): د بدخشان پوليس وايي چې د مقناطيسي ماين د چاودنې له امله ددغه ولايت د مرکز فيض اباد ښار د اوومې حوزې امر له درې ساتوونکو سره وژل شوى دى.
د بدخشان د پوليسو وياند ثناءالله روحاني پژواک خبري اژانس ته وويل چې دغه پېښه نن رامنځته شوې ده .
سرچينه وايي چې په دغه پېښه کې د فيض اباد ښار د پوليسو د اوومې حوزې امر عبدالحمید له درې ساتوونکو سره وژل شوى دى.
ده وويل چې دغه پېښه په داسې حال کې رامنځته شوې، چې د حوزې امر له کوره ددفتر پر لور روان و.
د سرچينې د معلوماتو په اساس، چې د حوزې د امر موټر د فيض اباد ښار د پنځمې حوزې اړوند د دو آبه یفتل بالا په کلي کې د سړک د غاړې پر ماين ختلى او دغه پېښه رامنځته شوې ده .
ددغې پېښې مسووليت تراوسه کومې ډلې نه دى منلى.
login or register a new account.
