کابل (پژواک، ۲۱ لړم ۹۹): پولیس وايي چې د کابل ښار د اتمې او یوولسمې ناحیو مربوطاتو کې څلور پولیس وژل شوي او یو بل ټپي دی.
د کابل د امنیې قوماندانۍ ویاند فردوس فرامرز د لړم په ۲۱مه پژواک خبري اژانس ته وویل چې نن سهار شاوخوا شپږنیمې بجې د یوولسمې ناحیې اړوند د لب جر په ساحه کې پر یوه رینجر موټر د مقناطیسي ماین چاودنه شوې چې په پایله کې یې دوه امنیتي منسوبين وژل شوي او یو بل ټپي شوی دی.
د هغه په خبره چې پولیس ساحې ته تللي او په دې تړاو یې څېړنې پیل کړې دي.
فرامرز دغه راز وویل چې د سې شنبې مازدیګر د کابل ښار په اتمه حوزه کې د وسله والو کسانو له خوا دوه امنیتي سرتېري پر ډزو وژل شوي دي.
نوموړي په دې اړه نور جزئیات ورنه کړل.
د دې پېښو مسوولیت تر اوسه چا پر غاړه نه دی اخیستی.
login or register a new account.
