کابل (پژواک، ۶ لیندۍ ۱۴۰۰): د ریاست الوزراء مرستيال د تېر حکومت د هغو لوړپوړو چارواکو د بانکي حسابونو د خلاصولو لارښوونه کړې چې اوسمهال په هېواد کې دننه مېشت دي.
وروسته له هغې چې د وږي میاشتې په ۲۴ مه طالبانو کابل ونیو د افغانستان سرپرست حکومت د پخواني حکومت د لوړپوړیو چارواکي بانکې حسابونه و تړل.
د ریاست الوزرا دویم مرستیال مولوی عبدالسلام حنفي له خوا د افغانستان بانک ته په استول شوي مکتوب کې راغلي چې د تېر حکومت هغه چارواکي چې اوسمهال له دوی سره دنده ترسره کوي، د اړونده ارګان د سرپرست تر تایید وروسته دې د نوموړو چارواکو حسابونه خلاص او معاشونه دې د قانون مطابق ورته اجرا شي.
په مکتوب کې زياته شوې، د تېر حکومت هغه چارواکي چې اوسمهال په افغانستان کې دي، حسابونه دې ورته خلاص شي، خو معاشات دې نه ورته اجرا کېږي.
سرچينه کاږي، د تېر حکومت د دواړو مجلسونو او ولایتي شوراګانو غړي چې په هېواد کې مېشت دي، بانکي حسابونه دې خلاص شي، خو معاشات دې نه ورته اجرا کېږي.
سرچينه زياتوي، د تېر حکومت هغه دولتي مقامات چې اوسمهال له هېواد څخه بهر مېشت دي او رسما یې خپل مسوولیت نوي حکومت ته نه وي سپارلی، د نوموړو اشخاصو بانکي حسابونه دې نه پرانیستل کېږي.
د حکومت دغه لوړپوړي چارواکي لارښوونه کړې، هغه حسابونه (شرکتي او انفرادي) چې په هغه کې د لوړپوري چارواکي سهمدار دي او له هېواد څخه بهر مېشت وي، د سهم په اندازه دې شتمني ګنګل شي.
دغه راز د ریاست الوزراء مرستیال ويلي چې د تېر ادارې د لوړپوړو چارواکو د خپلوانو حسابونه دې پرانیستل شي.
. . .
You need to subscribe to view the full article. Please login or register a new account.
