نورالله ځاځی

د کابل ښاروالۍ وايي چې سبا د دغه ښار په ۲۲ ناحیو کې د ډبرو سکرو د وېش لړۍ پیلېږي او د کابل ښاریان کولای شي چې د یو ټن د ډبرو سکاره په ۹۰۰۰ افغانۍ ترلاسه کړي.

د کابل ښاروالۍ وايي، دوی له پاکستانه راستنېدونکو افغان کډوالو ته د اسانتیاوو رامنځته کولو په موخه، تورخم کې د یوه پنډغالي د جوړولو چارې پيل کړې.

د ریاست‌الوزراء اقتصادي مرستیال د چابهار بندر له لارې د افغانستان د صادراتو او وارداتو پر زیاتېدو د ټینګار ترڅنګ له ایراني چارواکو غوښتي چې یاد بندر ته د افغانستان لاسرسی اسانه کړي.

د ازبکستان اوسپنې پټلۍ اداره وایي، چمتو ده د حیرتان – مزارشریف اوسپنې پټلۍ ترمیم په ښه کیفیت او لنډ وخت کې په ۵۰ سلنه تخفیف ترسره کړي.

د افغانستان کورنیو چارو سرپرست وزیر د دې ترڅنګ چې د افغانانو عزت په خپل هېواد کې خوندی دی، وايي، د کډوالو جبري ایستلو په اړه د پاکستان د حکومت پرېکړه د ټولو نړۍوالو قوانینون او اصولو خلاف ده.

د مالیې وزارت وایي، د روان لمریز کال په لومړیو شپږنیمو میاشتو کې یې د هېواد په شپږو ولایتونو کې څه باندې ۹۴ زره ټنه بې‌کیفیته او ممنوعه توکي نیولي چې په قاچاقي ډول هېواد ته را واردېدل.

د افغانستان د مالیې وزارت وایي، د نیمروز ګمرک د ګرځنده څارنې کارکوونکو ۶۳۰ کیلوګرامه د انسان وېښتانو د قاچاق مخنیوی کړی دی.

د افغانستان بهرنیو چارو وزارت له پاکستانه د افغان کډوالو جبري ایستل غندلي او په دې اړه یې د دغه هېواد پرېکړه غیرعادلانه بللې ده.

افغان او چیني چارواکو د دواړو هېوادونو ترمنځ د ډیپلوماتیکو اړیکو پر لا پیاوړتیا خبرې کړې او دغه راز چین له راستنېدونکو افغان کډوالو سره مرستو ته چمتووالی ښودلی دی. 

د افغانستان ریاست‌الوزراء اقتصادي مرستیال، ایران کې میشتو افغان پانګوالو سره ناسته کې، بهر کې پر مېشتو افغان پانګوالو غږ کړی چې خپل هېواد کې پانګونه وکړي او له خپلو هېوادوالو سره یو ځای د هېواد د ابادۍ لپاره مټې را ونغاړي.

د افغاني سرې‌ میاشتې ټولنه وایي، دوه ورځې وروسته ۷۴ هغه ناروغ ماشومان چې هډوکي یې مات او د بدن غړي يې سوځېدلي دي، د درملنې په موخه جرمني ته استوي.

افغان او ایراني چارواکو په افغانستان کې د کرنې پر ميکانیزه کولو، د ایران له خاورې نورو هېوادونو ته د افغانستان د کرنیزو محصولاتو پر لېږد او د تعرفې پر کمولو خبرې کړې دي.