برید

د بغلان امنیه قومانداني وایي چې د دغه ولایت په مرکزي بغلان ولسوالۍ کې ‎د ناپېژانده کسانو له خوا پر دوو دیني عالمانو برید کې یوه ژوند له لاسه ورکړی او بل ټپی شوی دی.

د بهرنیو چارو وزارت سرپرست نن په کابل کې د مرغومي شپږمې په مناسبت جوړې شوې غونډه کې وویل، که د پاکستان حکومت د افغانستان خاورې او خلکو ته په سپک نظر ګوري، نو له انګرېز، شوروي او امریکا دې درس واخلي.

ملي دفاع وزارت وایي، د پکتیکا برمل ولسوالۍ اړوند سیمه کې د پاکستاني ځواکونو له خوا برید شوی او اسلامي امارت به دا برید بې‌ځوابه پرېنږدي.

د اسلامي همکاریو سازمان، ایران، پاکستان، قطر، ترکیې، سعودي عربستان، اروپايي ټولنې او ځینو اوسنیو او پخوانیو افغان چارواکو په کابل کې د تېرې ورځې برید غندلی دی.

په افغانستان کې د اروپايي ټولنې استازولۍ د بغلان په نهرین ولسوالۍ کې پر «عبادت‌کوونکو» برید غندلی او د قربانیانو له کورنیو سره یې خواخوږي څرګنده کړې ده.

د بغلان د امنیه قومانداني مسوولین وایي، وړمه شپه د نهرین ولسوالۍ په یوه خانقا کې پر عبادت‌کوونکو د برید په تور یې پنځه کسان نیولي دي.

د ملګرو ملتونو مرستندوی دفتر (یوناما) د بغلان په نهرین ولسوالۍ کې پر «عبادت‌کوونکو» برید غندلی او ویلي یې دي چې د دې پېښې بشپړه څېړنه دې وشي.

د راپورونو له مخې، د غزې د شمال اړوند په بیت‌لاهیا سیمه کې د استوګنې پر یوه ودانۍ د اسرائیلو په هوايي برید کې ۵۰ تنه فلسطینیانو ژوند له لاسه ورکړی چې ۳۰ سلنه یې ماشومان دي.

د چین په سوېل ژوهه ښار کې له یوه خونړي برید وروسته چې له امله یې ۳۵ کسان وژل شوي او ۴۳ نور ټپیان دي، لوړپوړو چیني چارواکو د پېښې د بشپړې څېړنې غوښتنه کړې ده.

د راپورونو له مخې، د پاکستان په کراچۍ ښار کې د ناپېژانده وسله‌والو له خوا ډزو کې دوه چینایان ټپیان شوي دي.

د افغانستان بهرنیو چارو وزارت د ترکیې په پلازمینه انقره ښار کې د هوایي صنایعو پر یوه شرکت برید غندلی او هیله یې څرګند کړې چې د ترکیې خلک او دولت بیا له ورته پېښو سره مخ نه شي.

د ترکیې د کورنیو چارو وزارت وایي چې انقرې ته نږدې د دغه هېواد د هوایي چلند صنعت پر یوې فابریکې د وسله‌والو برید کې لږ تر لږه پنځه تنه وژل شوي او ۲۲ نور ټپیان دي.