برید

د پښتون ژغورنې غورځنګ مشر وایي، پاکستاني ځواکونو په خیبر کې د دغه غورځنګ له خوا د جوړېدونکې جرګې پر میدان برید کړی؛ دغه سیمه یې قبضه کړې او هلته د لویې ماشینرۍ پر مټ خندقونه کیندي.

رسنیو راپور ورکړی چې په هایتي کې د «ګرانګ ګریف» په نوم د یوې وسله‌والې ډلې د برید په پایله کې ۷۰ کسان وژل شوي او لسګونه نور ټپیان دي.

پاکستاني پولیسو ویلي، تېره شپه وسله‌والو د خیبر پښتونخوا په مومند ایجنسۍ سیمه کې د پاکستاني امنیتي ځواکونو پر یوه مرکز برید کړی.

د افغانستان پخواني ولسمشر حامد کرزي، د امریکا متحده ایالتونو او ملګرو ملتونو په کابل ښار کې د وړمې ورځې برید په سختو ټکو غندلی دی.

د جرمني د یوه صنعتي ښار د تاسیس د کالیزې نمانځنې مراسمو پر مهال د چړې په برید کې درې کسان وژل شوي او څلور نور ټپیان دي.

د کورنیو چارو وزارت وايي، تېره ورځ تورخم کې د افغان ځواکونو په متقابل برید کې د پاکستان دوې پوستې له منځه وړل شوي دي.

د راپورونو له مخې، د سومالیا په پلازمېنه موګادیشو کې د سمندر پر غاړه په یو وسله‌واله برید کې لږ تر لږه ۳۲ کسان وژل شوي او ۶۳ نور ټپیان دي.

سیدعلي خامنه‌یي د ایران رهبر د دې ترڅنګ چې د اسماعیل هنیه غچ اخیستنه خپله دنده بولي، وایي، اسرائیل د هنیه په ترور سره ځان ته د سختو مجازاتو زمینه برابره کړه.

د راپورونو له مخې، د پاکستان امنیتي ځواکونو د خیبر پښتونخوا په بنو کې د وروستي برید په تړاو ۲۴ کسان نیولي دي.

رسنیو راپور ورکړی چې د خیبر پښتونخوا په بنو کې وسله‌والو پر یوه پوځي مرکز برید کړی چې په کې درې پاکستاني پوځیان وژل شوي او شاوخوا ۵۰ تنه ټپیان دي.

د افغانستان پخوانیو ولسمشرانو محمداشرف غني او حامد کرزي د پښتون ژغورنې غورځنګ پر مخکښ غړي ګیله‌من وزیر برید غندلی دی.

د فراه ولایت په مرکز کې دوه روغتیايي کارکوونکي – چې ښځه او خاوند دي – د ناپېژانده وسله‌والو په برید کې ټپیان شوي دي.