کار

د لغمان د کډوالو او راستنېدونکو چارو ریاست مسوولین وایي، دغه ولایت کې له کډوالۍ تازه راستنو شوو نږدې دوه سوو کسانو ته د اوږدمهاله کاروبار زمینه برابره شوې ده.

د ا.ا مرستیال ویاند وايي، په روانه غويي میاشت کې د هېواد په مرکز او ځینو ولایتونو کې د اتو مهمو پروژو چارې پیل شوې چې ۴۱ اعشاریه ۷۷ میلیارده افغانۍ لګښت یې حکومت او ۲.۴۷۰ میلیارده افغانۍ لګښت یې خصوصي سکټور ورکوي.

د بلخ مرکز مزارشریف ښار کې د ښوونځي یوې زده‌کوونکې د غالۍ اوبدلو کارګاه په جوړولو سره ۷۰ ښځو ته د کار زمینه برابره کړې ده.

د اطلاعاتو او فرهنګ وزارت چارواکو د بي‌بي‌سي له یوې مشرې سره لیدنه کې ویلي که دغه رسنۍ غواړي افغانستان کې خپلو فعالیتونو ته دوام ورکړي، نو د هغو خبرونو او شایعاتو له خپرولو دې ډډه وکړي چې د افغانانو ترمنځ د نفاق او تعصب سبب ګرځي.

د ترافیک پولیسو ریاست وایي، له دې وروسته یوازې ټکسي موټر د سپرلۍ د لېږد را لېږد حق لري او شخصي موټر په عامه واټ د کار کولو او سپرلۍ لېږدولو حق نه لري.

هرات کې یوې مېرمنې د خیاطۍ کارګاه په جوړولو سره دغه ولایت کې ۴۰ بې‌وزلو ښځو ته د کار زمینه برابره کړې ده.

د لوګر د کلیو پراختیا او بیارغونې ریاست وایي چې د خوړو نړۍوال پروګرام له لوري په مرکز پل‌علم، خروار او محمداغې ولسوالیو کې شاوخوا ۷ سوه کسانو ته د کار زمینه برابره شوه.

په جوزجان کې یوې مېرمنې د لاسي صنایعو او سنیو اوبدولو دوو کارخونو په جوړولو سره د دغه ولایت ۱۷۰ کونډو او بې‌وزله مېرمنو ته د کار زمینه برابره کړې ده.

د مزارشریف ښاروالۍ مسوولین وایي چې د ملګرو ملتونو د خدمتونو برابرولو ادارې (UNOPS) دفتر په مالي ملاتړ یې د دغه ښار یو شمېر ناحیو کې ۱۵ زره کسانو ته کاري فرصتونه برابر کړي دي.

یوولس کلنه سلما د خپلې کورنۍ اقتصادي ستونزو هواري په موخه له خپل ناروغ پلار سره یوځای د ننګرهار سره‌رود ولسوالۍ د سلطان‌پور سیمې د خښتو یوې بټۍ کې کار کوي.

د کانونو او پټرولیم وزارت سرپرست وایي، نوره اړتیا نشته چې د جیولوجي او کانونو برخې لوستي افغان ځوانان نورو هېوادونه ته د کار لپاره ولاړ شي؛ ځکه دغه وزارت د کار زمینه ورته برابروي.

یو شمېر هغه ځوانان چې ایران ته د تلو اراده لري وايي، سره له دې چې څو ځلې له دغه هېواده راایستل شوي خو اوس د بېکارۍ او اقتصادي ستونزو له امله اړ دي بیا ولاړ شي.