پلعلم (پژواک، ۳۰ سلواغه ۱۴۰۲): د لوګر د کلیو پراختیا او بیارغونې ریاست وایي چې د خوړو نړۍوال پروګرام له لوري په مرکز پلعلم، خروار او محمداغې ولسوالیو کې شاوخوا ۷ سوه کسانو ته د کار زمینه برابره شوه.
د لوګر د کلیو پراختیا او بیارغونې ریاست مطبوعاتي مسوول صبغتالله نائبخېل پژواک ته وویل، د خوړو نړۍوال پروګرام (WFP) له لور په مرکز پلعلم او دوه ولسوالیو کې د سړکونو، کارېزونو، د اوبو حوضونو، ذخیروې بندونو او محافظوي دېوالونو د بیارغونې پروژو کې شاوخوا ۷ سوه ځوانانو ته د راتلوونکو شپږو میاشتو لپاره د کار زمینه برابره شوه.
نائبخېل زیاته کړه چې هر ګارېګر ته به د میاشتې د کار په بدل کې ۶۴۰۰ افغانۍ تنخوا ورکول کېږي او نږدې ورځو کې به ورته پروژې د لوګر ولایت په پاتې ولسوالیو کې هم پيل شي.
بل لورته خلک هم د دغو پروژو پیلېدو ته خوښ دي.
د محمداغې ولسوالۍ یوه اوسېدونکي عبدالطیف پژواک ته وویل چې په دغه شان پروژو کې هم خلکو ته کار پیدا کېږي او هم یې په سیمه کې د بیارغونې چارې ترسره کېږي.
هغه ټینګار وکړ چې ورته پروژې دې د لوګر په پاتې ولسوالیو او کلیو کې هم پيل شي چې وزګارو کسانو ته په کې د کار کولو زمینه برابره شي.
دا په داسې حال کې ده چې له دې مخکې هم د خوړو نړۍوال پروګرام(WFP) له لوري د دغه ولایت په مرکز پلعلم، برهکيبرک، محمداغې او څرخ ولسوالیو کې سلګونه وزګارو کسانو ته په رغنیزو پروژو کې د کار زمینه برابره شوې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن