اسعداباد (پژواک ٤ ليندۍ ٩٢): په کونړ ولايت کې پر يوې لېسې د هاوان مرمۍ لګېدلې، چې د مدير په ګډون يې څلور ښوونکي ټپيان کړي دي.
د کونړ د والي وياند عبدالغني مصمم د ليندۍ په ٤مه پژواک خبري اژانس ته وويل، چې دا پېښه نن غرمه داسمار ولسوالۍ د ججي په سيمه کې رامنځته شوې ده.
هغه زياته کړه، چې وسله والو طالبانو د اسمار ولسوالۍ پر ودانۍ د هاوان مرمۍ توغولې، چې يوه په سيمه کې د نجونو د لېسې پر ودانۍ ولګېده.
مصمم وايي، چې په دې پېښه د يادې لېسې د مدير په ګډون څلور تنه ټپيان شوي او د درملنې په موخه د اسعد اباد ملکي روغتون ته لېږدول شوي دي.
د روغتون رييس ډاکټر فاروق سهاک پژواک اژانس ته وويل، چې دوى ته له غازي اباد څخه څلور ټپيان ور وړل شوي وو، خو د دوو يې روغتيايي حالت نازک و او د جلال اباد روغتون ته يې ولېږدول.
وسله والو طالبانو تر اوسه په دې اړه څه نه دي ويلي.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن