خوست (پژواک، ٤ غويى ٩٥): په خوست کې د درې نيم ميليونه امريکايي ډالرو په لګښت د يوه سړک او پول د جوړولو چارې پيل شوې.
ياد سړک او پول چې مالي لګښت يې د امريکا نړيواله پرمختيايي اداره (USAID) پر غاړه لري، د غويي په ۴مه د خوست والي او يو شمېر نورو حکومتي چارواکو له خوا يې د بنسټ ډبره کېښودل شوه.
والي حکم خان حبيبي د بنسټ ډبرې اېښودو پر مهال وويل چې د ياد سړک او پول په جوړېدو سره به خوست ښار د غلام خان له ترانزيټي لارې سره ونښلول شي او چارې به يې د يو کال په موده کې بشپړې شي.
هغه دا هم وويل چې د ياد سړک او پول په جوړېدو سره به د خلکو ډېرې ستونزې حل شي.
هغه زياتوي: ((ياد سړک اووه کيلومتره اوږدوالی لري چې په اساسي ډول رغول کېږي او د دغه سړک په مسير کې د ۱۲۰ مترو په اوږدوالي سره د شمل پرخوړ باندې يو پول هم موقعيت لري چې هغه به هم له سړک سره يو ځای جوړ شي.))
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن