خوست ښار (پژواک، ٣٠ زمرى ٩٥): له وسله والو طالبانو جلا شوې د ملا رسول ډلې خپل نوى مشر ټاکلى دى.
د دې ډلې يوتن وياند ملا عبدالرحمن نيازي د زمري په ٣٠مه پژواک خبري اژانس ته د ټيلېفون په ليکه وويل چې د دوى ١٣ کسيزې شورا ملا عبدالرووف عارف د ډلې د نوي مشر په توګه ټاکلى دى.
هغه د پخواني مشر ملا رسول په اړه د يوې پوښتنې په ځواب کې وويل چې نوموړى له ډېرې مودې راهيسې نادرکه دى خو په اړه يې نور معلومات ورنه کړل.
ملا نيازي وويل چې د دوى مشر ملا عبدالرووف د کندهار ولايت د سپين بولدک ولسوالۍ اوسېدونکى دى.
د نوموړي په وينا، ملا عبدالرووف عارف د طالبانو د واکمنۍ پر مهال د ملي دفاع وزارت د مرستيال او د خوست د والي په توګه يې دندې ترسره کړې دي.
د يادونې ده، د طالبانو د لومړي مشر ملا عمر تر مړينې وروسته، کله چې ملا اختر منصور د دوى مشر وټاکل شو، نو يو شمېر طالب مشرانو او قوماندانانو جلا ډله جوړه کړه او ملا رسول يې خپل مشر وټاکه.
د هرات، فراه ، غزني او پکتيکا ولايتونو کې د دواړو ډلو تر منځ خونړۍ نښتې هم شوې چې له امله يې دواړو لورو ته مرګ ژوبله هم اوښتې وه.
څو مياشتې مخکې د ملا رسول د وژل کېدو ر اپورونه ورکړل شوي وو خو په رسمي توګه تر اوسه نه دى تاييد شوى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن