د کابل- کندهار پر لويه لاره ترافيکي پېښه کې ١٦ کسان ژوبل شوي

کلات (پژواک، ٢ لیندۍ ٩٦): د کابل- کندهار پر لويه لاره د يوې ترافيکي پېښې له امله ١٦ کسان ژوبل شوي دي.

د والي وياند ګل اسلام سيال د لړم په ٢مه پژواک خبري اژانس ته وويل چې دا پېښه نن سهار شاوخوا اته بجې د يادې لارې په اوږدو کې د شاه جوى ولسوالۍ په ګاه جوى سيمه کې رامنځته شوې ده.

هغه زياته کړه چې په ياده سيمه کې ٣٠٣ مسافر وړونکي موټر له کرولا سره ټکر کړى او په پايله کې يې ١٦ تنه ژوبل شوي دي.

د سيال په وينا، ټپيان روغتون ته لېږدول شوي خو د دوو روغتیايي حالت د اندېښنې وړ ښودل شوى دى.

د يادونې ده، نن سهار په هرات ولايت کې هم د يوې ترافيکي پېښې له امله ٣ تنه مړه شوي دي.