ترينکوټ (پژواک، ٢٦ لېندۍ ٩٩): ځايي سرچينې وايي چې د اروزګان د دهراوود ولسوالۍ سرپرست امنيه قوماندان په ګډون لس سرتېري د طالبانو په يوه بريد کې وژل شوي دي.
د دغه ولايت يوې امنيتي سرچينې چې د نوم له اخیستو يې ډډه کوله، د لېندۍ په ٢٦مه پژواک اژانس ته وويل چې وسله والو طالبانو تېره شپه د دې ولسوالۍ پر امنيتي مرکز بريد وکړ او وروسته نښتې څو ساعته دوام درلود.
سرچينه وايي، په دې نښته کې د ولسوالۍ سرپرست امنيه قوماندان ولي محمد او د لايزري قطعې قوماندان سيدعلي په ګډون اووه پوليس او درې د ملي اردو سرتېري وژل شوي دي.
د سرچينې په وينا، طالبانو د یاد مرکز وسلې له ځان سره وړې او يو هاموې ټانک یې هم بیولی دى.
د سیمې يوه اوسېدونکي میرزا خان پژواک ته وویل، د ټولو وژل شوو کسانو مړي طالبانو د دهراوود پر عمومي چوک اچولي دي.
د دې پېښې په اړه طالبانو تر اوسه څه نه دي ویلي.
Views: 39
GET IN TOUCH
NEWSLETTER
SUGGEST A STORY
PAJHWOK MOBILE APP