کندهار (پژواک، ۱۳ چنګاښ ۱۴۰۰): د کندهار د والي سکرټر له خپل یوه ساتونکي سره د چسپکي ماین په چاودنه کې وژل شوی او يو بل ساتونکی یې ټپي شوی دی.
چاودنه نن له غرمې وروسته شاوخوا دوه بجې د ولایت مقام په لومړي قراول کې شوې ده.
یوې امنیتي سرچینې پژواک خبري اژانس ته وویل، چاودنه د والي د سکرټر منصور احمد پر لوکسل موټر د نښلول شوي ماین له امله شوې ده.
سرچینه زیاتوي، په دغې چاودنه کې د والي سکرټر او د هغه یو ساتونکی وژل شوي او يو بل ساتونکی یې ټپي شوی دی.
د دغې پېښې مسوولیت تر اوسه چا نه دی منلی.
Views: 1150
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن