کابل (پژواک، ۱۹ چنګاښ ۱۴۰۰): د کابل پولیس وايي چې د کابل ښار اتمې ناحیې اړوند سیمه کې چاودنې دوه کسان وژلي او څلور نور یې ټپیان کړي دي.
د کابل امنیې قوماندانۍ ویاند فردوس فرامرز پژواک خبري اژانس ته وویل چې یاده پېښه نن سهار نهه بجې او لس دقیقې د کارته نو تپې سیمه کې د معاملاتو د لارښوونې په یوه دفتر کې رامنځته شوې ده.
نوموړي زیاته کړه چې چاودنه د ځای پر ځای شوو چاودېدونکو توکو له امله رامنځته شوې چې په کې دوه ملکیان وژل شوي او څلور نور ټپیان دي.
هغه د قربانیانو د هویت په اړه جزیات ورنه کړل خو ویې ویل چې ټېم یې په سیمه کې څېړنې پیل کړې دي.
د یادونې ده، تر اوسه کوم کس یا ډلې د دې پېښې مسوولیت نه دی منلی.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن