چاریکار (پژواک، ۵ مرغومی ۱۴۰۰): د سالنګ لویه لار چې مرکز له شمالي ولایتونو سره نښلوي، نن سهار له دواړو لورو د واورې اورېدو له مله د تېلري موټرو پر مخ تړل شوې ده.
د سالنګ د ساتنې او مراقبت رییس قاضي عبیدالله عبید وایي چې په سالنګونو کې له شل څخه تر دېرش سانتي مترو پورې واوره شوې او لا هم اوري.
هغه وویل چې له همدې امله یاده لاره د ټېلري موټرو پر مخ بنده شوې ده.
دغه لار د هندوکش په غرونو کې د ۲،۷ کیلومتره په اوږدوالي له یوه تونله تېرېږي چې په اوږدو کې یې پروان او بغلان ولایتونه هم پراته دي.
په ژمي کې له یادې لارې تېرېدل له خطرونو ډک وي.
د ۱۳۸۸ کال په سلواغې میاشت کې په سوېلي سالنګ کې د توپان او واورې اورېدو له امله ۱۷۰ کسان مړه او ۱۲۵ نور ټپیان شول.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن