کابل (پژواک، ۶ لړم ۱۴۰۱): د ملګرو ملتونو له ماشومانو د ملاتړ ادارې/ UNICEF ویلي، سوېلي کوریا د افغانستان د ښوونکو د ملاتړ لپاره ۵ میلیون ډالر او ډنمارک بیا ماشومانو ته د زدهکړې د سیمهییزو ټولګیو جوړولو په موخه ۵ میلیون ډالر مرسته کړې ده.
یادې شوې ادارې د یوه ټویټ په کولو له دې مرستې مننه کړې او ویلي یې دي چې د ښوونکو د ملاتړ له لارې به وتوانېږي څو په افغانستان کې د زدهکړې بهیر ښه کړي.
یونیسف لیکلي: «له ښوونکو مناسب ملاتړ د ماشومانو له غوره ښوونې او روزنې سره مرسته کوي.»
سوېلي کوریا په داسې حال کې د یونیسف ادارې له لارې دغه مرسته کوي چې افغان ښوونکي تل د خپلو معاشاتو له کمښت او بد اقتصادي وضعیت څخه شکایت کوي.
دغهراز یونیسف د یوه بل ټویټ په کولو ویلي چې ډنمارک بیا افغان ماشومانو ته د زدهکړې د سیمهییزو ټولګیو جوړولو په موخه ۵ میلیون ډالر مرسته کړې ده.
سرچینه زیاتوي، دغه پیسې به په افغانستان کې ماشومانو ته د زدهکړې د سیمهییزو ټولګیو پر جوړولو ولګول شي.
په وروستیو کلونو کې د هېواد د بېلابېلو ولایتونو په هغو سیمو کې هلکانو او نجونو ته د زدهکړې سیمهییز ټولګي جوړ شوي چې ښوونځیو ته لاسرسی نه لري.
Views: 132
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن