سرپل (پژواک، ۱۸ سلواغه ۱۴۰۱): د سرپل امنیتي مسوولین وایي، تېره شپه یو ۱۷ کلن ځوان د دغه ولایت په مرکز کې د نامعلومو کسانو له خوا وژل شوی دی.
د سرپل د پولیسو ویاند دینمحمد نظري نن (د سلواغې ۱۸مه) پژواک خبري اژانس ته وویل: «د سرپل د شهرنو سیمې اوسېدونکی مبین د کمالالدین زوی تېره شپه ۶:۳۰ دقیقې په خپل کور کې د نامعلومو کسانو له لوري په مرمۍ وژل شوی دی.»
هغه زیاته کړه، تر اوسه د دې وژنې د علت او انګېزې په اړه معلومات نشته خو پولیسو په پېښه کې د لاس لرلو په تور یو کس نیولی دی.
GET IN TOUCH
NEWSLETTER
SUGGEST A STORY
PAJHWOK MOBILE APP