سرپل (پژواک، ۳۱ غبرګولی ۱۴۰۲): په سرپل کې امنیتي مسوولین وایي، د دغه ولایت په صیاد ولسوالۍ کې یو کس د ناپېژانده وسلهوالو له لوري وژل شوی دی.
د سرپل د ولایت مقام مطبوعاتي دفتر په یوه خبرپاڼه کې د صیاد ولسوالۍ مرستیال محمدیاسین انس له قوله لیکلي چې دا پېښه تېره ورځ د دغې ولسوالۍ په میرزا اولنګ کلي کې رامنځته شوې ده.
سرچينه زیاتوي چې وژل شوی کس رمضان نومېده او د نامعلومو کسانو له لوري له خپل کور څخه وړل شوی او په ډزو وژل شوی دی.
په خبرپاڼه کې ویل شوي چې تر اوسه د یاد قتل انګېزه روښانه شوې نه ده، خو په تړاو یې څېړنې روانې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن