کابل (پژواک، ۲۶ چنګاښ ۱۴۰۲): د افغانستان سټنډرډ ملي اداره وايي، له ایرانه وارد شوي ۲۵ ټانکره بېکیفیته تېل یې د فراه ولایت له «۷۸ میل» بندره بېرته دغه هېواد ته ګرځولي دي.
د سټنډرډ ملي ادارې نن پرخپله ټويټرپاڼه ليکلي، له ایرانه وارد شوي ۲۵ ټانکره بېکیفیته تېل د فراه ولایت له «۷۸ میل» بندر څخه بېرته ایران ته ګرځول شوي دي.
سرچينه زياتوي، د بېکیفیته تېلو د واردولو مخنیوي لپاره په جدیت عملي ګامونه پورته کوي.
د سټنډرډ ملي اداره وایي، تېر کال هېواد ته شاوخوا ۶۰ زره ټانکره نفتي توکي وارد شوي چې له دې ډلې ۱۰۰۰ ټانکره بېکیفیته وو او بېرته مسترد شوي دي.
د یادونې ده چې یادې ادارې په دې ورستیو کې نه یوازې بېکیفیته تېل ایران ته ګرځولي، بلکې له ترکمنستانه وارد شوي د بېکیفیته ګازو ټانکرونه یې هم بېرته دغه هېواد ته ګرځولي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن