کابل (پژواک، ۱۵ زمری ۱۴۰۲): اسلاماباد کې د افغانستان سفیر، د پاکستان د جمعیت علمای اسلام ګوند له مشر مولانا فضلالرحمن سره لیدلي او د دواړو هېوادونو ترمنځ یې د بېباورۍ پر له منځه وړو او د دوستانه اړیکو پر لا پياوړتیا خبرې کړې دي.
په اسلاماباد کې د افغانستان سفارت پر خپله ټوېټرپاڼه لیکلي: «اسلاماباد کې د افغانستان سرپرست سفیر سردار احمدشکیب، په باجوړ سیمه کې د جمعیت علمای اسلام ګوند پر پلویانو د چاودنې له امله د یاد ګوند مشر مولانا فضلالرحمن ته د پېښې قربانیانو په تړاو د نوموړي په کور کې د فاتحې او غمشریکۍ مراتب وړاندې کړل.»
د روانې میاشتې په اتمه ډیورنډ فرضي کرښې ته څېرمه د خیبر پښتونخوا د باجوړ په خار سیمه کې د مولانا فضلالرحمن په مشرۍ د پاکستان د جمعيت علمای اسلام ګوند د پلویانو پر یوه غونډه چاودنه وشوه چې په کې شاوخوا ۲۰۰ کسانو ته مرګژوبله واوښته.
سرچینې لیکلي، په یاده لیدنه کې د افغانستان او پاکستان ترمنځ د بېباورۍ له منځه وړلو، د دوه اړخیزو دوستانه اړیکو لا پیاوړتیا او نورو اړوندو موضوعاتو په اړه هم تفصیلي خبرې وشوې.
Views: 165
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن