پلعلم (پژواک، ۲۲ زمری ۱۴۰۲): د کانونو او پټرولیم سرپرست وزیر د کانونو وضعیت ارزونې په موخه لوګر ولایت ته سفر وکړ او هلته یې د کانونو د څار په موخه لس کسیزه کمېټه جوړه کړه.
د لوګر ولایت مقام خبرپاڼه کې راغلي چې مولوي شهابالدین دلاور د دغه ولایت له چارواکو سره د کانونو وضعیت ارزولو په موخه لیدلي او خبرې یې کړې دي.
سرچینه کاږي چې د کانونو سرپرست وزیر د کانونو په قراردادونو کې د روڼتیا، د کانونو قاچاق مخنیوي، له لویو کمپنیو سره د کانونو قراردادونو او په ټوله کې له کانونو څارنې لپاره د ولایت مقام او امنیې قوماندانۍ په ګډون یوه لس کسیزه کمېټه جوړه کړه او فعالیت یې پيل کړ.
د یادونې ده، د هېواد مشهور د عینک مسو کان په لوګر کې موقعیت لري چې د پخواني ولسمشر حامد کرزي حکومت کې يې د استخراج تړون له یوې چینايي کمپنۍ سره شوی دی.
Views: 36
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن