ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پکتیا مرکز کې د ۲۴ کلیوالي پروژو چارې پيل شوې

د پکتیا مرکز کې د ۲۴ کلیوالي پروژو چارې پيل شوې

author avatar
4 Oct 2023 - 16:44
د پکتیا مرکز کې د ۲۴ کلیوالي پروژو چارې پيل شوې
author avatar
4 Oct 2023 - 16:44

ګردېز (پژواک، ۱۲ تله ۱۴۰۲): د پکتيا په مرکز ګردېز کې د ۳۰ میليونو افغانيو په لګښت د ۲۴ کليوالي پروژو د جوړېدو چارې پيل شوې.

د پکتیا د کليو پراختيا او بيارغونې ریيس مولوي محمد صادق پژواک ته وويل: «نن د ګردېز په شاوخوا ۲۴ کليو کې د ۳۰ میليونه افغانيو په لګښت د بيارغونې پروژې پيل شوې چې شاخوا دوو زرو کسانو ته به په کې د يوې مياشتې لپاره د کار زمينه برابره شي.»

نوموړي وويل، په دغو پروژو کې د کليوالي لارو او استنادي دېوالونو جوړول، د ويالو، کاريزونو او عامه ځايونو پاکول شامل دي.

د صادق په خبره، دغه پروژه د نړۍوال بانک په مالي ملاتړ ترسره کېږي او هر کارګر ته د ورځې ۴۰۰ افغانۍ ورکول کېږي.

بلخوا خلک هم د دغو پروژو پيل ته خوښ دي.

د ګردېز اړوند د ممړۍ سيمې یوه قومي مشر محمداشرف چوپان پژواک ته وويل: «کوم کارونه چې نن ورځ په دې سيمه کې پيل شول دا ډېره د خوښي خبره ده، له دې سره زياتو بې روزګاره ځوانانو ته د کار زمينه برابره شوه او له بيکارۍ راوګرځيدل.»

د یادونې ده چې له دې مخکې هم ګردېز کې سلګونو کسانو ته په ورته پروژو کې د کار زمینه برابره شوې ده.

Views: 66

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.