<p style="text-align: justify;">کابل (پژواک، ۱۶ لړم ۱۴۰۲): د نړۍوال جام سیالیو په لړ کې افغانستان په پنځوسم اور کې د پنځو لوبغاړو په سوځېدو اسټرالیا ته د ۲۹۲ منډو هدف وټاکه.</p>
<p style="text-align: justify;">د نننۍ لوبې پچه افغانستان وګټله او لومړی یې د سیالې لوبډلې پر وړاندې د توپوهنې پرېکړه وکړه.</p>
<p style="text-align: justify;">په دې لوبه کې افغانستان په ټاکل شوو ۵۰ اورونو کې د پنځو لوبغاړو په سوځېدو سره ۲۹۱ منډې وکړې او اسټرالیا ته یې د ۲۴۲ منډو هدف وټاکه.</p>
<p style="text-align: justify;">ابراهیم ځدراڼ د خپلې بهترینې توپوهنې پرمټ په نړۍوال جام کې د افغانستان لپاره لومړنۍ سلیزه په خپل نوم ثبت کړه او په ۱۴۳ بالونو یې ۱۲۹ منډې وکړې.</p>
<p style="text-align: justify;">دا په روان نړۍوال جام کې د افغانستان اتمه لوبه ده او افغانستان د تېرو اوو لوبو څلور ګټلې دي.</p>
