<p style="text-align: justify;">کابل (پژواک، ۲۸ لړم ۱۴۰۲): د عامې روغتیا وزارت وایي، قطر پلان لري چې به نږدې راتلونکي کې په کندهار کې د یوه ۴۰۰ بستریز روغتون جوړولو چارې پيل کړي.</p>
<p style="text-align: justify;">د عامې روغتیا وزارت ویاند ډاکټر شرافت زمان نن د دغه وزارت پر اېکسپاڼه خپره شوې ویډیو کې ویلي چې قطر په کندهار کې ۴۰۰ بستریز روغتون جوړوي.</p>
<p style="text-align: justify;">هغه زیاته کړې، په دې اړه له قطر سره خبرې نهایي شوې او په نږدې وخت کې به یې د جوړولو چارې پیل شي.</p>
<p style="text-align: justify;">نوموړي زیاته کړې، دغه راز له قطر سره هوکړه شوې چې په یاد هېواد کې افغان ډاکټرانو ته په تخصصي پروګرامونو کې د زدهکړو زمینه هم برابره کړي.</p>
<p style="text-align: justify;">هغه ویلي چې ژر به له قطر سره په تخصصي پروګرامونو کې د ګډون په موخه د افغان ډاکټرانو نوملړ شریک شي.</p>
