لغمان کې د ترافیکي پېښې له امله یوه څلور کلنه نجلۍ مړه شوې ده

مهترلام (پژواک، ۲۲ سلواغه ۱۴۰۲): د لغمان امنیتي مسوولین وایي چې د دغه ولایت په الیشنګ ولسوالۍ کې یوه څلور کلنه ماشومه موټر وهلې او مړه شوې ده.

د لغمان امنیې قوماندانۍ ویاند یونس یوسفزي پژواک خبري اژانس اژانس ته وویل چې نن شاوخوا ۱۲ بجې د دغه ولایت الیشنګ ولسوالۍ په شمرام سیمه یوه څلور کلنه نجلۍ موټر وهلې او مړه شوې ده.

هغه زیاته کړه، د پېښی ځای ته د ترافیکو مدیریت مسوولین رسېدلي، موټرچلوونکی نیول شوی چې له لومړنیو څېړنو وروسته به عدلي او قضایي ارګانونو ته وسپارل شي.