[restrict paid=”true”]
اټلانټا (پژواک، ۳۰ سلواغه ۱۴۰۲): سریلانکا د کرکټ دویمه شلاوریزه لوبه کې هم افغانستان ته ماته ورکړه او دغه راز د درېیو لوبو لړۍ یې هم وګټله.
دا لوبه چې نن (د سلواغې ۳۰مه) ترسره شوه، پچه یې سریلانکا وګټله او لومړی یې د توپوهنې پرېکړه وکړه. د سریلانکا لوبغاړو یو ځل بیا ښه لوبه وکړه او په ټاکل شوو ۲۰ اورونو کې یې د شپږو لوبغاړو په سوځېدو ۱۸۷ منډې جوړې کړې او افغانستان ته یې د ۱۸۸ منډو هدف ورکړ.
د افغانستان له لوري عظمت عمرزي او محمدنبي دوه دوه، فاروقي او نوینالحق یو یو لوبغاړي وسوځول.
د افغانستان لوبغاړو یو ځل بیا د هدف په ترلاسه کولو کې ناکام شول او ټوله لوبډله په ۱۱۵ منډو وسوځېده، دغه راز سریلانکا دا لوبه د ۷۲ منډو په ستر توپیر وګټله.
د افغانستان له لوري کریم جنت ۲۸ او محمدنبي ۲۷ د پام وړ منډې جوړې کړې.
له دې مخکې سریلانکا په ټسټ او یو ورځنیو لوبو کې هم افغانستان ته ماته ورکړې وه.
[/restrict]
Views: 14
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن