پلخمري (پژواک، ۲ کب ۱۴۰۲): ځايي سرچینې وايي، د بغلان په تالهوبرفک ولسوالۍ کې د تېر حکومت د یوه ولسوال محمداسماعیل زوی په ډزو وژل شوی دی.
د بغلان امنیې قوماندانۍ ویاند مولوي شېراحمد برهاني پژواک خبري اژانس ته وویل، تېره ورځ د دغه ولایت د تالهوبرفک ولسوالۍ مربوطاتو کې د ذلفقار په نوم یو کس په ډزو وژل شوی دی.
هغه وویل، له پېښې وروسته د یادې ولسوالۍ امنیتي کسان سیمې ته رسېدلي او د دې پېښې په تړاو یې دوه کسان له یو میل ماکاروف تومانچې سره نيولي دي.
نوموړی د پېښې لامل شخصي دښمني بولي او زیاتوي چې نیول شوي کسان به له لومړنیو څېړنو وروسته عدلي او قضایي ارګانونو ته وسپاري.
بلخوا، د سیمې یو اوسېدونکی چې نه غواړي نوم یې واخیستل شي، پژواک ته وویل، وژل شوی کس د تېر حکومت پر مهال د همدې ولسوالۍ د ولسوال محمداسماعیل زوی و.
د یادونې ده، څه موده مخکې په یاده ولسوالۍ کې د دغه ولایت امنیې قوماندانۍ د جنايي جرمنو د تحقیق مدیر هم د نامعلومو وسلهوالو له لوري په ډزو وژل شوی و.
Views: 12
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن