[restrict paid=”true”]
کابل (پژواک، د وري لومړۍ نېټه ۱۴۰۲): د پوهنې وزارت وایي چې د ۱۴۰۲ لمریز کال پر مهال یې په ټول هېواد کې څه باندې ۱۲ زره مدرسې جوړې کړې دي.
دغه وزارت د وري په لومړۍ نېټه د تېر کال لمریز کال پر مهال د خپلو لاستهراوړنو په تړاو یوه خبرپاڼه کې ویلي، له شک پرته چې د پوهنې وزارت د هېواد بچیانو، علماوو او د راتلونکو پوهانو لپاره د روزنې یوازېنۍ زانګو ده؛ په یقین سره یاد وزارت یو له مهمو وزارتونو دی او د هېواد په کچه ښوونیز خدمتونه وړاندې کوي.
سرچینې زیاته کړې، د پوهنې وزارت هڅه کوي څو په ټول هېواد کې د ماشومانو، تنکيو ځوانانو او ځوانانو لپاره له هر ډول تبعيض پرته د باکيفيته او متوازنو زدهکړو آسانتیا برابره کړي.
خبرپاڼه کې راغلي، همدې موخې ته د رسېدو لپاره د یاد وزارت سرپرست مولوي حبیبالله آغا، رهبري، مسوولینو او کارکوونکو د خپلو رسمي سفرونو په ترڅ کې ټولو ولایتونو ته ولاړل، د ولایتونو د پوهنې له ریاستونو یې لیدنې وکړې، د هغوی ستونزې یې له نږدې واورېدې او د اړوندو ستونزو د حل په موخه یې مسوولینو ته لازمې لارښوونې وکړې.
سرچینې ویلی، په ۱۴۰۲ لمریز کال کې د ټول هېواد په کچه ۱.۲ میلیونه ماشومان په ښوونځیو کې شامل شوي او په (۱۴۰۳لمریز کال) کې به زیات شمېر نور ماشومان هم په ښوونځیو کې شامل شي.
دغه راز په همدې کال کې ټول ټال ۹۳ بابه ښوونځي نوي تاسیس شوي او۵۰ بابه ښوونځيو له ابتدایې څخه متوسطې او ۴۷ بابه له متوسطې څخه لېسې دورې ته ارتقاء کړې ده.
وزارت زیاته کړې، په همدې کال کې د چټکو زده کړو۷۵۰ بابه ټولګي، د سیمه ییزو زده کړو۶ زره ۵۵۹ بابه ټولګي او د سواد زده کړې ۹ زره ۷۵۰ یو کلن کورسونه جوړ او فعال شوي دي.
په خبرپاڼه کې راغلی، په ۱۴۰۲ لمریز کال کې له ۲۰ زرو تنو مجاهدينو او راستانه شویو کډوالو څخه د دوی د سویې د تثبيت لپاره آزموينه اخیستل شوې او په رسمي توګه په ښوونځيو کې شامل شوي دي.
دغه وزارت زیاته کړې چې ـ د ۱۴۰۲ لمریز کال پرمهال په ټول هېواد کې ۱۲ زره ۳۰۷ بابه مدارس تأسیس شوي، له ۸ زره ۸۲۸ دیني علماوو څخه د دولسم او څوارلسمو ټولګیو لپاره د هغوی د سویې د تثبیت آزموینه اخیستل شوې.
سرچینې زیاته کړې، ـ په ۱۴۰۲ لمریز کال کې ټول ټال ۵ زره ۴۲۲ بابه کلیوالي مدارس تأسیس شول او په ټول هېواد کې ۳۰۰ خصوصي مدارسو ته د فعالیت اجازه لیکونه ورکړل شوي دي.
دغه وزارت ویلی، په همدې کال کې د ۶۵۰ بابه ښوونځیو لپاره نوې ودانۍ جوړې شوې دي.
په خبرپاڼه کې راغلي، په ۱۴۰۲ لمریز کال کې ۸ میلیونه ټوکه درسي کتابونه چاپ او زده کوونکو ته وېشل شوي دي، د یادونې وړ ده چې د افغانستان اسلامي امارت له فتحې را پدېخوا پوهنې وزارت له لوري ۳۸ میلیونه ټوکه درسي کتابونه چاپ و وېشلي دي.
ـ همدارنګه ۵۰۰ زره ټوکه درسي کتابونه د اسلامي زده کړو د کلیوالي مدارسو او دارالعلومونو لپاره چاپ او وېشل شوي دي.
[/restrict]
Views: 40
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن