کابل (پژواک، ۶ وری ۱۴۰۳): د افغانستان بانک وايي چې سبا (د وري ۷مه) د داوطلبۍ له لارې ۱۷ میلیون امریکایي ډالر لیلاموي.
د افغانستان بانک نن پر خپله اېکسپاڼه له سوداګریزو بانکونو، د صرافۍ او د پولي خدمتونو له شرکتونو چې پر شرایطو برابر وي، غوښتي څو په دې داوطلبۍ کې ګډون وکړي.
سرچینې زیاته کړې، د داوطلبۍ ګټونکي اړ دي څو خپل حسابونه د لیلام ورځې تر پایه پورې تصفیه کړي.
سرچینه زیاتوي، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي، د داوطلبۍ ګټونکي اړ دي چې د خپل ذمت قیمت پیسې په یو ځل په نغدي ډول په ټاکلې موده کې د افغانستان بانک ته وسپاري.
دا په داسې حال کې ده چې د افغانستان بانک وړمه ورځ هم د داوطلبۍ له لارې ۱۵ میلیون امریکایي ډالر لیلام کړي وو.
Views: 60
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن