کابل (پژواک، ۱۳ وری ۱۴۰۳): د افغانستان بانک سبا (د وري ۱۴مه) د داوطلبۍ له لارې ۱۸ میلیون امریکایي ډالر لیلاموي.
یاد بانک دغه څرګندونې نن پر خپله اېکسپاڼه کړې دي.
دغه بانک له سوداګریزو بانکونو، د صرافۍ او د پولي خدمتونو له شرکتونو چې پر شرایطو برابروي، غوښتي څو په دې داوطلبۍ کې ګډون وکړي.
سرچینې زیاته کړې، د داوطلبۍ ګټونکي اړ دي څو خپل حسابونه د لیلام د ورځې تر پایه پورې تصفیه کړي.
سرچینه زیاتوي، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلي موده کې د افغانستان بانک ته وسپاري.
دا په داسې حال ده چې یاد بانک د روانې وري میاشتې په ۱۲مه هم ۱۲ میلیون امریکایي ډالر لیلام کړي وو.
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن