د هېواد ۱۴ ولایتونو کې د سختو ورښتونو او سېلابونو راوتلو اټکل شوی

کابل (پژواک، ۲۸ وری ۱۴۰۳): د ترانسپورټ او هوایي چلند وزارت سبا د هېواد په ۱۴ ولایتونو کې د سختو بارانونو او سېلابونو راوتلو اټکل کړی دی.

د دغه وزارت په خبرپاڼه کې راغلي چې سبا (د وري ۲۹مه) هرات، فراه، نیمروز، هلمند، کندهار، زابل، پکتیکا، خوست، پکتیا، غزني، بامیان، دایکنډي، اروزګان او غور ولایتونو کې د سختو ورښتونو او سېلابونو راوتلو احتمال موجود دی.

د سرچینې په خبره، بېلابېلو سیمو کې د باران اندازه له ۱۵ تر ۴۰ ملي مترو پورې اټکل شوې ده.