جلالاباد (پژواک، ۱۵ غويی ۱۴۰۳): د ننګرهار په سرهرود ولسوالۍ کې د يوې خونې چت لوېدو پېښه کې دوه وړې نجونې مړې شوې او يوه بله ټپي ده.
د ننګرهار د اطلاعاتو او فرهنګ رياست د اطلاعاتو امر صديقالله قريشي بدلون د غويي په ۱۵مه پژواک خبري اژانس ته وويل، پرون (جمعې) د دغه ولایت د سره رود ولسوالۍ په بر سلطانپور کلي کې د يوه کور د خونې چت د پرلهپسې بارانونو له امله لوېدلی دی.
دی وايي، په دې پېښه کې دوه کوچنۍ نجونې مړې شوې او يوه بله چې ټولې خویندې دي ټپي شوې ده.
بلخوا، د سرهرود ولسوالۍ د ملکانو شورا مشر سید محمود اغا پژواک ته وويل چې یاده کورنۍ ډېره بېوزلې ده او پرون یې درېیو نجونو ته د چت لوېدو له امله مرګژوبله اوښتې ده.
دا په داسې حال کې ده چې تېره اونۍ هم د ننګرهار په مومندرې ولسوالۍ کې د یوې خونې چت لوېدو پېښه کې دوو کسانو ته مرګژوبله اوښتې وه.
يوسف ظريفي
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن