ترینکوټ (پژواک، ۲۵ غویی ۱۴۰۳): د اروزګان امنیه قومانداني وايي چې د دغه ولایت په چهارچینو ولسوالي کې یې د نشهيي توکو د تولید دوه کارخونې له منځه وړې دي.
د اروزګان امنیې قوماندانۍ ویاند بلال اروزګانی وایي، تېره شپه له نشهیي توکو سره د مبارزې پولیسو د چهارچینو ولسوالۍ په ګورګین سیمه کې د نشهيي توکو د تولید دوه کارخونې له کشف وروسته له منځه وړې دي.
هغه زیاته کړه چې په یادو کارخونو کې د نشهیي توکو د پروسس وسایلو ترڅنګ ۱۸۷۰ کیلوګرامه ومان هم له منځه وړل شوي دي.
نوموړي دغه راز وویل چې په یاده سیمه کې یې پر ۴۰ جریب ځمکه کرل شوي کوکنار هم تخریب کړي دي.
GET IN TOUCH
NEWSLETTER
SUGGEST A STORY
PAJHWOK MOBILE APP