کابل (پژواک، ۳۱ غبرګولی ۱۴۰۳): په افغانستان کې د ملګرو ملتونو سازمان مرستندوی دفتر (یوناما) خبر ورکوي چې د افغانستان په اړه د ملګرو ملتونو امنیت شورا غونډه سبا جوړېږي.
یوناما په یوه اعلامیه کې ویلي، ټاکل شوې د افغانستان په اړه د امنیت شورا غونډه سبا (د جون ۲۱مه) د نیویارک په ځايي وخت مخکې له غرمې ۱۰:۰۰ بجې (د کابل ماښام ۶:۳۰) ترسره شي.
د سرچینې له قوله، د افغانستان لپار ه د ملګرو ملتونو عمومي سرمنشي ځانګړې استازې رزا اوتونبایوا به هم د یادې ناستې یوه برخه کې امنیت شورا ته معلومات وړاندې کړي.
سرچینې د یوه لېنک (http://webtv.un.org) په شریکولو ویلي چې یاده ناسته به په ژوندۍ بڼه ترسره شي.
Views: 14
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن