کابل (پژواک، ۷ زمری ۱۴۰۳): د راپورونو له مخې، د پاکستان امنیتي ځواکونو د خیبر پښتونخوا په بنو کې د وروستي برید په تړاو ۲۴ کسان نیولي دي.
ډان ورځپاڼې نن (یکشنبه) راپور ورکړی چې یاد کسان په بنو کې د «امان» په نوم له یوې ځايي جرګې سره په همغږۍ د پاکولو عملیاتو په جریان کې نیول شوي دي.
د راپور له مخې، له تورنو څخه یوه اندازه وسلې او مهمات هم کشف او ترلاسه شوي او هغوی د څېړنو لپاره د پاکستان له تروریزم سره د مبارزې ادارې ته سپارل شوي دي.
د پاکستان یوه امنیتي چارواکي ویلي چې د یادو کسانو موټرونه درول شوي او د هغوی پټن ځایونه هم له منځه وړل شوي دي.
د نیول شوو کسانو د هویت په اړه جزییات نه دي ورکړل شوي.
د روان کال د چنګاښ په ۲۵مه وسلهوالو کسانو د خیبر پښتونخوا په بنو کې پر یوه نظامي مرکز برید وکړ چې له امله یې درې پاکستاني سرتېري ووژل شول او شاوخوا ۵۰ نور ټپیان شوي وو.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن