کابل (پژواک، ۲۰ زمری ۱۴۰۳): د برازیل په ساوپاولو ښار کې د یوې مسافروړونکې الوتکې لوېدو له امله د عملې د څلورو غړو او ۵۷ مسافرو په ګډون ۶۱ کسانو ژوند بایللی.
د بيبيسي پښتو راپور له مخې، دغه دوه انجن لرونکې الوتکه د سوېلي پارانا ایالت له کاسکاویل څخه د ساوپاولو ښار مرکزي هوايي ډګر ته روانه وه.
سرچینې لیکلي چې په دغه الوتکه کې ۵۷ مسافر سپاره وو او څلور تنه عمله یې درلوده چې ټولو په کې ژوند بایللی دی.
راپور کې راغلي چې الوتکه د استوګنې پر یوې ودانۍ لوېدلې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن