ګردیز (پژواک، ۲۰ زمری ۱۴۰۳): د پکتیا امنیه قومانداني وایي، د دغه ولایت په څمکنیو ولسوالۍ کې د یوې کورنۍ درې غړي یوې څاه کې د ګازنیونې له امله مړه شوي دي.
د پکتیا امنیه قوماندانۍ ویاند منیب ځدران پژواک خبري اژانس ته وویل چې دغه پېښه نن له غرمې مخکې د څمکنیو ولسوالي اړوند ستر کلي کې رامنځته شوې ده.
هغه وویل: «لومړی يو کس سیپتیک څاه ته ور ښکته شوی چې ګاز نیولی، وروسته دوه نور کسان هم د یوه بل د ژغورنې په موخه ور ښکته شوي چې درې واړه مړه شوي دي.»
د څمکنيو ولسوالي يو قومي مشر سخي جان بیا وایي چې دغه کسان درې واړه د یوې کورنۍ غړي دي چې دوه ورونه او یوه یې د تره زوی دی.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن