کابل (پژواک، ۲۴ زمری ۱۴۰۳): د ټاپي ګاز نللیکې کمپنۍ اجرائیوي رییس ویلي، د افغانستان په خاوره کې هم د ټاپي نللیکلې د غځولو لپاره چمتووالی د بشپړېدو په حال کې دی او د دغې پروژې عملي چارې به ژر پيل شي.
د ټاپي یا له ترکمنستانه افغانستان، پاکستان او هند ته د ګاز نللیکې پروژه – چې ۱۸۰۰ کیلومتره اوږدوالی لري او ۸۱۶ کیلومتره یې له افغانستانه تېرېږي- مخکې په افغانستان کې په رسمي ډول پرانيستل شوې وه، خو تر اوسه یې عملي چارې نه دي پیل شوې.
د افغانستان د بهرنیو چارو وزارت په خبرپاڼه کې راغلي چې د دغه وزارت سرپرست مولوي امیرخان متقي په کابل کې د ترکمنستان سفیر او د هغه هېواد د ټاپي ګاز نللیکې کمپنۍ اجرائیوي رييس محمد مراد امانوف سره ولیدل.
سرچينې لیکلي، په دغه لیدنه کي د دواړو هېوادونو لخوا د افغانستان په خاوره کې د ټاپي نلليکې د غځولو پر وروستيو تياريو خبرې وشوې.
متقي په دغه لیدنه کې ویلي، د افغانستان په خاوره کې د ټاپي نلليکې غځول د ا.ا.ا په لومړيتوبونو کې دي او د افغانستان بېلابېلو ارگانونو د ټاپي پروژې اړوند چارې بشپړې کړې دي.
هغه هیله څرګند کړې چې د افغانستان په خاوره کې د ټاپي نلليکې عملي چارې پيل شي.
د ټاپي کمپنۍ رييس محمد مراد امانوف ویلي، ترکمنستان په خپله خاوره کې د افغانستان تر پولې نلليکه غځولې ده او ډاډ يې ورکړ چې د افغانستان په خاوره کې هم د ټاپي نلليکې د غځولو تياری د بشپړېدو په حال کې دی او عملي چارې به یې ژر پيل شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن