ترینکوټ (پژواک، د وږي لومړۍ نېټه ۱۴۰۳): اروزګان کې د ملګرو ملتونو د ماشومانو د ملاتړ صندوق (یونسیف) سیمهییزو ویلي چې په دغه ولایت کې اوو ښوونځیو ته نوې ودانۍ او د اوبو رسولو شپږ شبکې جوړوي او د ۱۳ ښوونځیو ودانۍ بیارغوي.
دغه څرګندونې په اروزګان کې د ملګرو ملتونو د ماشومانو د ملاتړ صندوق (یونیسف) ولایتي مسوول ډاکټر احمد فواد د دغه ولایت د والي له مرستیال سره په لیدنه کې کړې دي.
اروزګان د والي ویاند ملا انعام پژواک خبري اژانس ته وویل، د یونیسف ولایتي مسوول په دې لیدنه کې ژمنه وکړه چې د دغه ولایت په مرکز او ولسوالیو کې به اووو ښوونځيو ته نوې ودانۍ او د اوبو رسولو شپږ شبکې جوړې او دغه راز به د دیارلس ښوونځیو ودانۍ ترمیم کړي.
نوموړي ونه ویل چې دغه شمېر پروژې به په کومو ولسوالیو کې پلې شي.
د هغه په خبره، د دغه ولایت د والي مرستیال ملا باريګل اخند د یونیسف استازو ته ډاډ ورکړی چې ولایتي اداره له دوی سره په هره برخه کې همکارۍ ته چمتو ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن