کابل (پژواک، ۴ وږی ۱۴۰۳): رسنیو راپور ورکړی چې د فرانسې پولیسو د ټيلګرام بنسټګر او اجرایی مدیر پاول دوروف پاریس ته نږدې په هوايي ډګر کې نیولی دی.
رویټرز اژانس د فرانسوي رسنیو له قوله راپور ورکړی چې پولیسو د هغه د نیول کېدو د حکم پر اساس چې مخکې صادر شوی و، دغه اقدام کړی دی.
۳۹ کلن پاول دوروف چې په خپله شخصي الوتکه کې د سفر په حال کې و، پرون ماښام د فرانسې د پلازمینې د شمال په لوبورژه هوايي ډګر کې ونیول شو.
راپور کې راغلي چې دوروف ټيلګرام کې جنايي فعالیتونو ته د اجازې ورکولو په تور نیول شوی دی.
ټيلګرام تر اوسه د دغه پلټفارم د اجرایي مدیر نیول کېدو په اړه څه نه دي ویلي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن