میدانښار (پژواک، ۳۱ وږی ۱۴۰۳): د میدانوردګو ولایت په سیداباد ولسوالۍ کې د یوې ترافیکي پېښې له امله ۱۱ کسان ټپيان شوي دي.
د میدانوردګو امنیې قوماندانۍ له لوري پژواک ته په رالېږل شوې خبرپاڼه کې راغلي چې تېره شپه ناوخته د سیداباد ولسوالۍ اړوند د ټوپ دښته د یوه سراچه او ټوډي موټر ترمنځ ټکر شوی دی.
سرچینه وايي چې په دې پېښه کې ۱۱ کسان ټپیان شوي دي.
خبرپاڼه زیاتوي چې د دې پېښې ټپیان د امنیتي کسانو له لوري سیمهییز روغتون ته انتقال شوي دي.
سرچینې د دې پېښې د لامل په اړه څه نه دي ویلي خو ډېری مهال دغه شان پېښې د موټرچلوونکو د بې احتیاطۍ له امله رامنځته کېږي.
