کابل (پژواک، ۸ غبرګولی ۱۴۰۴): د امریکا بهرنیو چارو وزیر اعلان کړی چې متحده ایالات به د هغو چیني محصلینو چې د چین له کمونېست ګوند سره اړیکې لري یا په حساسو رشتو کې زدهکړې کوي، د ویزو لغو کولو بهیر پیل کړي.
رویټرز خبري اژانس راپور ورکړی چې د امریکا د بهرنیو چارو وزیر مارکو روبیو پرون (چهارشنبه) ویلي چې دغه وزارت به د ویزو معیارونو د کره ارزونې لپاره په راتلونکي کې د چین او هانګکانګ له لوري د ټولو ویزو غوښتنلیکونه اصلاح کړي.
هغه ویلي: «د امریکا د بهرنیو چارو وزارت به د کورني امنیت وزارت د چیني زدهکړیالانو لپاره د ویزې په جدي لغو کولو کې همکاري وکړي.»
په واشنګټن کې د چین سفارت په دې اړه څه نه دي ویلي.
د رویټرز د راپور له مخې، امریکا کې د چیني محصلینو شمېر په ۲۰۱۹ کال کې له شاوخوا ۳۷۰ څخه په ۲۰۲۴ کال کې شاوخوا ۲۷۷ کسانو ته راټیټ شوی چې د زدهکړیالانو دغه ډول کمښت د نړۍ د دوو لویو اقتصادونو ترمنځ د زیاتیدونکي کړکېچ له امله دی.
GET IN TOUCH
NEWSLETTER
SUGGEST A STORY
PAJHWOK MOBILE APP